RISIKOBESTUUR
Risikobestuur is ’n integrale deel van die daaglikse werksaamhede van ons ondernemings. As ’n internasionale multimediagroep met sakebedrywighede in verskeie lande, is die groep aan ’n wye verskeidenheid risiko’s blootgestel, waarvan sommige ernstige gevolge kan inhou. Die gediversifiseerde aard van die groep help egter om blootstelling te versprei.
Naspers se direksie, in samewerking met direksies van sy groot filiaalmaatskappye, is daarvoor verantwoordelik om prosedures vir risikobestuur en -beheer te bepaal, asook om die doeltreffendheid van die prosedures te evalueer. Die identifisering van risiko’s en die bestuur daarvan is deel van elke sakeeenheid se sakeplan.
Risikobestuursfunksies is vir die groot maatskappye in die groep ingestel en die proses word van tyd tot tyd hersien.
Uit ’n verskeidenheid verwante blootstellings blyk dat die volgende groot risiko’s tans bestaan:
-
tegnologiese vernuwings
-
politieke en ekonomiese onstabiliteit
-
mededinging
-
inflasie van programkoste
-
valutaskommelings
-
wetgewing en regulasies.
Hoewel hierdie risiko’s meestal buite die direksie se beheer is, kan sekere maatreëls ingestel word om die uitwerking daarvan te beperk.
VERBINTENIS TOT BEMAGTIGING
Naspers ondersteun die strewe om voorheen benadeelde gemeenskappe in Suid-Afrika se hoofstroomekonomie te integreer. Ons is trots daarop dat Naspers die tweede opeenvolgende jaar as Suid-Afrika se mees bemagtigde mediamaatskappy aangewys is
in die 2009-opname van topbemagtigingsmaatskappye.
Media24 se breedgebaseerde swart ekonomiese bemagtigingsinisiatief, Welkom Yizani, sluit sowat 100 000 swart persone
en groepe in wat onregstreeks ’n deel van Media24 Beperk besit.
Ons is ook trots op die feit dat Media24 volpunte behaal het vir die ondernemings-ontwikkelings- en sosio-ekonomiese komponente van die departement van handel en nywerheid se bemagtigingstelkaart.
MultiChoice Suid-Afrika se twee suksesvolle bemagtigingsinisiatiewe, Phuthuma Nathi en Phuthuma Nathi 2, sluit sowat 120 000 swart mense en groepe in wat onregstreeks ’n deel van MultiChoice Suid-Afrika besit.
’n Oorsig van korporatiewe bestuur en volhoubaarheid (risikobestuur ingesluit) verskyn op hier van hierdie jaarverslag.
|
