Welkom Yizani
Beleggings Beperk
 
 
kennisgewing van die algemene jaarvergadering
     
 
 
 
 

Kennis word hiermee gegee dat die tweede algemene jaarvergadering van Welkom Yizani Beleggings Beperk (“die maatskappy” of “WY”) op Donderdag, 18 September 2008 om 11:00 in Ouditorium 2, Kaapstad Internasionale Konvensiesentrum, Convention Square, Laer Langstraat 1, Kaapstad gehou sal word. Die volgende gewone besluite sal by die algemene jaarvergadering oorweeg word en, indien goedgekeur, met of sonder wysiging aangeneem word:

Die volgende gewone besluite sal by die algemene jaarvergadering oorweeg word en, indien goedgekeur, met of sonder wysiging aangeneem word:
GEWONE BESLUIT 1  
1. Die finansiële state van die maatskappy vir die 12 maande tot 31 Maart 2008 en die verslae van die direkteure en die ouditeur sal vir oorweging en aanvaarding voorgelê word.
 
GEWONE BESLUIT 2  
2. Die verklaring van ’n dividend van 33,9 sent per aandeel met betrekking tot die gewone aandele en die voorkeuraandele in die uitgereikte aandelekapitaal van die maatskappy.
 
GEWONE BESLUIT 3  
3. Heraanstelling van die firma PricewaterhouseCoopers Ing. as ouditeur van die maatskappy vir die tydperk wat begin op die datum van die algemene jaarvergadering tot ná afl oop van die volgende algemene jaarvergadering van die maatskappy.
 
GEWONE BESLUIT 4  
4. Om mnr N Jansen wat aftree, maar weer verkiesbaar is en hom dus vir herverkiesing beskikbaar stel, vir herverkiesing in aanmerking te neem.
 
GEWONE BESLUIT 5  
5. Om die gemagtigde maar onuitgereikte aandelekapitaal van die maatskappy onder die direkteure se beheer te plaas en tot ná afl oop van die volgende algemene jaarvergadering van die maatskappy onvoorwaardelike algemene magtiging aan die direkteure te verleen om na goeddunke maar onderhewig aan die bepalings van artikel 221 van die Maatskappywet, Nr 61 van 1973, soos gewysig (“die Wet”), en die maatskappy se statute) die onuitgereikte aandele van die maatskappy toe te ken en uit te reik aan sodanige persone en volgens sodanige voorwaardes en bepalings as wat die direkteure as gepas beskou.
 
GEWONE BESLUIT 6  
6. Alle direkteure van die maatskappy word hiermee gemagtig om alle stappe te doen, alle handelinge te verrig en alle dokumente te onderteken wat nodig is om die gewone besluite wat by hierdie algemene jaarvergadering aangeneem word, in werking te stel.
 
7. ANDER SAKE
 

Sodanige ander sake word gedoen as wat by ’n algemene jaarvergadering gedoen mag word.
ALGEMEEN

’n Gewone aandeelhouer wat daarop geregtig is om die vergadering by te woon, daarop te praat en daarop te stem, is geregtig om een of meer persone as sy/haar gevolmagtigde/s aan te stel om in sy/haar plek die vergadering by te woon, daarop te praat en daarop te stem. ’n Gevolmagtigde hoef nie ’n lid van die maatskappy te wees nie.

Volmagvorms moet ingedien word by of gepos word aan die oordragsekretaris van die maatskappy, Link Market Services South Africa (Eiendoms) Beperk, om hulle teen nie later nie as agt-en-veertig
(48) uur (Saterdae, Sondae en vakansiedae word nie in berekening gebring nie) voor die algemene jaarvergadering te bereik by Diagonalstraat 11, Johannesburg 2001 of Posbus 4844, Johannesburg 2000. Met die opsteek van hande het elke lid van die maatskappy wat self teenwoordig is, of deur ’n gevolmagtigde verteenwoordig word, slegs een stem. In ’n stemming met stembriefies is elke persoon wat geregtig is om te stem en self teenwoordig is of deur ’n gevolmagtigde verteenwoordig word, en indien die persoon ’n regspersoon is, is sy/haar verteenwoordiger daarop geregtig om die stemregte soos bepaal deur artikel 195 van die Wet uit te oefen.

Op las van die direksie


G M Coetzee Maatskappysekretaris

Kaapstad
25 Augustus 2008  
 
 
      Terug na bo